精選文章

盤骨移位 腰痛 牙骹痛 胸脊椎痛 高低膊 | 治療痛症的漫長經歷 Part 5

盤骨移位、腰痛、牙骹痛、高低膊、頸椎痛等痛症治療回復到正常70-80% 之前提過有段時間因為工作繁忙,就算我長期有頸痛腰痛背痛問題也不能常去曾建橋醫師治療痛症,畢竟他的療程需要一星期去幾次因工作太忙沒能持續做治療,最後嘗試過其他治療痛症的骨傷科中醫師/推拿師傅,以下是在 醫治痛症...

2018年11月30日星期五

瑜珈 - 貓式



近排天氣轉涼番,假日就更加想係床上瞓多一陣,都唔知係唔係張床褥問題,瞓到我腰骨都酸酸軟軟。好彩我都有學少少瑜珈(雖然只係初級班,不過夠用啦。)做左幾下針對腰部的拉筋動作,即時見效,腰骨無咁痛啦。
即時覺得我所學的瑜珈可以大排用場,學費無晒到。係呢度想同大家介紹一下,我諗現今OL 經常都要坐係到做野,應該頸部,腰部都經常受壓,會好容易疲累,更甚者可能導致勞損。
保健勝於治療,提議大家每日可能朝早或臨訓前都做下一些拉筋動作,可以改善筋骨的柔軟度,又可以修身,何樂而不為!
而今次幫助減輕腰部痛楚的動作係「貓式」,叫得「貓式」,顧名思義就係好似貓咁。

Step 1.腹部內縮、拱背:吸氣預備,吐氣時把腹部盡量往內縮,背部順勢上揚,頭跟屁股隨著腹部的力量同樣內收,可維持姿勢,像貓拱背一般的姿勢。



Step 2.揚頭、翹屁股:吸氣預備,吐氣時從上一個姿勢,緩慢地把頭揚起,屁股跟著翹起,腰椎下傾,重覆拱背與揚起約5~8次。



(以上節錄自華人健康網)

做完後,即時你會感覺到腰部筋骨得以放鬆,能減輕痛楚。的確好有效,有專家更提出呢個動作可作舒緩經痛,大家都不妨試下。不過如果真係太痛都建議睇睇醫生,慎防做錯姿勢,令痛楚加劇。

瑜珈運動不但柔和,對於腸胃,筋骨舒緩都有幫助,更可增強抵抗力。真係唔講得笑,我同我個成日不時就有小病的朋友,現在每星期上一堂瑜珈,我真係見到佢少病左,依家面色都好一些 。
為左我們年老時無咁容易整親,斷骨和扭親等。。。這些情況,做唔到激烈運動的朋友仔,建議大家可以依家開始可以試下做瑜珈。可以上先上瑜珈堂,學習一下導師的正確姿勢,閒時在家中都可以自己做下。
不過瑜珈係要持續地做,如果停一排,筋骨就好快硬番,到時再做又要再叫晒救命咁拉番鬆筋啦。希望幫到大家啦!