終於有時間寫返買冷氣機被騙件事，遲左一季＞＜ 諗起都激氣！本來個BLOG只係想分享下脊椎問題同如何護脊，不過今次實在太嬲啦！講出黎等大家提防騙子唔好中招！
上年暑期係一間位於大南西街的天行工程地鋪買冷氣機，當時已揀好想買邊款，俾左$500訂金，負責人話過幾日送黎，之後等左2個星期都無送貨黎咪再打去問，佢竟然話無貨叫我轉其他牌子，又話都係差不多性能，我唔係專家唔識依啲牌子野，當時已經唔想幫襯佢想話退錢佢又唔肯，完全有種被欺騙的感覺。之後同佢理論，佢話要退$500訂金就要先消費$5000，佢咁唔誠實我仲點會係依間店鋪買$5000野呀＝＝
所以最後佢唔肯退錢，我唯有去左消費者委員會度投訴，8月整到依家都未有結果，等得黎冬天都過埋啦＝＝ 只可以話自己唔好彩想買部冷氣機都被人呃，以後只敢去大公司買電器，起碼有信譽唔會呃人，真係無諗過開門做生意都會咁唔正路，唯有當買個教訓啦＞＜