很久沒再寫治療日記，在寫最近狀況之前，很想先記下很久前與一位我以為還談得上來的西醫談起痛症的慘痛被傷害經歷，原來之前竟然無寫到。。。
潘煥X 普通科西醫
有看過我的日記的朋友們也知道，多年前我已經知道自己的痛症是由脊椎錯位引起，一開始也是由被受西方推崇的脊醫所確認。剛開始找不同中醫骨傷科醫治時，有次行得太急搞到一邊腹部痛，岩岩路過就睇依位西醫，佢按完痛個堆位置就話係肌肉拉緊所以痛，我見佢好似幾識肌肉問題唔係求其俾止痛藥，就同佢講左起本身有痛症問題，講左有背痛、頸痛、胸口痛、眼有閃光等等同發病經過，講埋照過MRI、XRAY都發現不到原因，問佢有咩高見，佢竟然答我：睇精神科。
我個下真係勁嬲，堅嬲！！！你唔識最多答我睇物理治療都好呀，咩都唔清楚就叫人睇精神科醫生，一個醫生對脊椎問題的無知，不能用西醫角度解釋痛症原因，就只係識得賴落病人有心理同精神問題，依類西醫完全係只係活係自己狹窄的醫學世界中，完全唔理病人感受！！本身有痛症又解決不到已經精神壓力好大，再俾佢咁講真係嬲到爆！自從個次之後我無再同西醫講痛症的問題，之前都有1、2個西醫講差不多的說話但無依個咁直接＝＝ 反正佢地根本就唔明，連人體基本筋骨構造都唔識，我唔信佢地老左無痛症問題，到時係咪全部要入精神科看精神科醫生？
突然想起要講返依件事係想同各位病友講，如果你清楚明白自己的痛症係由脊椎／筋骨錯位引起，就真係建議唔駛再睇西醫啦，最多都係俾止痛藥或叫你睇精神科醫生，識得叫你睇物理治療的醫生已經係好叻嫁啦LOL。而要確定係咪筋骨問題，基本要先做哂西醫的所有檢查排除內科問題＋有脊醫／中醫骨傷科檢查診斷過先可以斷定到，雖然西醫醫不到骨傷但排除內科問題都係要靠醫學儀器的。