突然想係Blog寫出依D 外出食飯遇到既問題，係因為之前寫係Openrice既食評竟然唔俾出post，真係有D懷疑背後係咪因為人為因素偏幫某D餐廳唔准出負面評價，但作為一個顧客受到咁恐怖既用餐經驗，真係應該講出黎俾多D 人知道，畢竟外出食飯都係想食得開心又安心，希望講出黎等大家知道邊D餐廳有伏，以後想幫襯就要多加留意。
1. X仔X哥米線
以前一直有食開依間米線店，有次叫左外賣雞肉同丸米線，雞肉勁少都算，食食下咬到一條好硬既刺，吐出黎睇係成1CM既透明硬膠，勁恐怖囉好彩無吞到，吞左真係可以搞到入院！就算係外賣都唔好咁求奇呀！依次我真係差D吞左...實在太恐怖自此無再幫襯＝。＝
2. 沙田Beans
鴨腿意大利飯的沙律有貝殼碎！
之前係荃灣有食開覺得OK，咪想帶屋企人黎試下。等左成30分鐘先有得食，叫左最出名既軟殻蟹黑松露意大利麵，軟殻蟹得好少之餘D汁仲勁稀！以前明明起碼4－5舊同D汁好濃，真係唔知係間野出左名D野食差左定分店偷功減料問題，真係好失望難得帶屋企人食好野。之後叫左鴨腿意大利飯，一夾D沙律一咬就咬到勁硬既野，隻牙勁痛！一吐出來竟然貝殼碎，有成1CM咁大！！勁恐怖LOR係我咁小心慢慢食先為意，俾著其他人大口食沙律真係吞左都似！ 食物難食左都可以算，成塊貝殼飛入沙律我真係接受唔到！真係一唔小心隨時入院！大家以後係依度食野真係要小心D！
