精選文章

盤骨移位 腰痛 牙骹痛 胸脊椎痛 高低膊 | 治療痛症的漫長經歷 Part 5

盤骨移位、腰痛、牙骹痛、高低膊、頸椎痛等痛症治療回復到正常70-80% 之前提過有段時間因為工作繁忙,就算我長期有頸痛腰痛背痛問題也不能常去曾建橋醫師治療痛症,畢竟他的療程需要一星期去幾次因工作太忙沒能持續做治療,最後嘗試過其他治療痛症的骨傷科中醫師/推拿師傅,以下是在 醫治痛症...

2015年3月29日星期日

自然療法開啟自癒能力處理肌肉發炎錯位 | 痛症治療的漫長經歷 Part 2

自然療法治療痛症的真實體驗

在全治護脊 曾建橋醫師 醫治了頭和頸部一個多月,想總結下整體狀況:

第1 - 5次:    (醫治後腦痺,左太陽穴,左手痺)

曾醫師先主力放鬆我頭部和頸部肌肉,一開始還未適應醫師的醫治手法或自然療法總會好緊張,一諗起以前的醫師整得勁痛個人就會想縮埋,不過曾醫師好好人又親切,佢話我愈放鬆醫療效果先愈好,而且佢醫個時又真係一D都唔痛,所以我好快都可以放鬆身體。不過我直到現在每次都仲思考緊佢如何用輕柔既力已經醫到我唔痛,每次都覺得好神奇,所以可能心裡面都仲係有好多疑團未真正身心放鬆得到==不過算啦我依D凡人點會咁易明,醫好我就夠啦^^

講返頭幾次帶症治療,醫師會好準確地按到我頭同頸邊個位痛, 一下就按到我條頸邊度痛,之後會按摩下附近位置,再運氣(我覺得似運氣但醫師話係自創的療法) 在痛的部位上,之後再按回原先的部位就唔痛嫁啦^^聽落真係好簡單WAKAKAKAKA 但係不會明白如何做到。。。
另外每次都會鬆左右手淋巴位,一整完都會覺得成隻手好暖,醫師會叫我轉動下隻手,感覺真係鬆左好多!
有幾次醫師幫我鬆埋後腦肌肉,之前成日覺得後腦痺集中唔到精神,講極俾其他醫師聽都無人理我,終於曾醫師幫我醫左2次就醫好啦好感動,依家起碼做野唔會因為後腦痺而集中唔到精神先啦!
第5次醫師突然按我左面太陽穴問我係咪好痛,係真係好痛呀我嚇一嚇,自己一直都唔知連太陽穴都痛,醫師鬆一鬆就無事了!

第6 - 10次: (醫治頭顱骨痛,左面骨,左右背脊肌肉)

曾醫師按到我個頭顱痛,無錯係連頭顱骨都痛,真係好好恐怖,我諗依D我睇正骨又好鐵打都好都沒可能醫好我吧唔通強行拉我個頭咩,曾醫師只係按摩左幾下,運左一陣氣好似打入去咁,我再按個頭顱已經唔痛,醫師話係我頸椎未好令肌肉拉扯到頭骨都痛。。好恐怖呀><
之後我左邊面骨都有痛都一次過做埋,都唔明點解我可以咁多位都痛。。。。

有次醫師好特別地按我背脊附近的肌肉,我以為之前睇沙田劉醫師已經睇好哂,點知醫師一按D肌肉超痛,原來就算骨正左附近肌肉仲未復位,以醫師的理論肌肉有錯位遲早脊骨又會再移位,所以都要重點處理,不過我成身太多地方要處理啦。。。醫師先鬆左我左邊背脊,一整完真係有股暖流沖上黎好神奇呀,好似打通返D經絡一樣,之後再整埋右邊背脊,超舒服呀~

第11 -15次:  (醫治左面骨,左胸骨,兩腳內側)

我左左骨左胸肋骨有痛,曾醫師治療後就不痛了。 有次去到診所腰很痛醫師就先醫腰,再用打腰機?的儀器按摩腰部肌肉,感覺舒緩好多,行路都舒服左。 再有一次我平躺時曾醫師感到我雙腳內側肌肉很緊,一按之下真的很痛,連我自己都不知道== 我話因為我怕我左腳長左成日前向外反所以下意識成日前用力將2隻腳向內鎖住,醫師就話這樣反而令內側的筋縮短,令肌肉蹦緊所以覺得痛。。。竟然自己搞衰左隻腳>< 好彩醫師即時幫我鬆返D肌肉,又教我如果訓覺時唔想隻腳亂咁郁就直接用被包住隻腳,咁就可以放心訓啦! 係喔點解我諗唔到==

其實在遇到曾建橋醫師之前,我都未試過其他類型的自然療法,更可以說是未想過可以用自然療法去治療痛症。看到網上說所謂的自然療法最基本的信念,就是相信身體有治療自己的能力, 而我覺得曾醫師的角色就是幫助我們身體慢慢自癒的推動者,以最天然不傷身的療法來處理肌肉發炎、肌肉錯位從而解決痛症問題。


------------------TBC-------------------

11 則留言:

  1. 現在情况如果呢? 有冇update 呀 ?

    回覆刪除
  2. 你好呀, 冇意中搵到你個BLOG, 好開心有人分享醫師既療法同效果, 多謝你咁有心機呀~
    其實我因為膝蓋痛都睇左好多物理治療呀、中醫呀、西醫、脊醫同推拿, 但我就未有你咁好彩, 因我仲未搵到個啱心水, 而家仲比其中一個物理治療師搞到有少少盤骨歪左, 我初初唸住睇孫峰, 但睇完你個BLOG之後, 而家唸醫搵劉EC好定曾EC好, 介唔介意講你曾EC埋單一次要幾錢左右呀?我見D人話劉EC每次大約千幾蚊左右, 講真, 我睇埋睇埋咁多唔係咁掂既醫師, 都唔只呢個數啦...:P

    回覆刪除
  3. 你好! 好開心依個BLOG 幫到你呀,其實我都係想分享自己感受,用第一身身份盡量去講述返見完每個醫師的效果,當然每個症狀唔同又要睇下同醫師夾唔夾,岩我GE可能又未必岩你,我都聽我朋友講孫峰好勁,所以唔岩我又未必係佢問題可能我個症狀真係太覆雜啦>< 講返你個問題,曾醫師個價錢我真係答5到你呀因為佢睇你咩症狀去計個療程時間,如果你淨係整膝蓋應該平過我依D成身有事GE,我之前好似見佢FB有做PROMOTION 你可以試下做一次先睇下有無用再決定啦~ 我之前都講過,劉醫師就正骨,曾醫師就修復肌肉錯位,所以如果係舊患D肌肉已經傷哂的話我會建議睇曾醫師,如果係岩岩整咩左D骨就搵劉醫師, 依個係我試完2位醫師後得出的結論,你再研究一下啦,希望幫到你啦=)

    回覆刪除
  4. 終於我劉醫師同孫鋒都去睇左XP, 劉醫師叫我如果搵佢整就最好攞定幾日假, 畢竟我覺得有少少肉赤, 所以未決定搵佢整, 就走左去搵孫鋒。佢好似你所講, 係傳統式啪骨, 我之前比其他醫師推歪左個HIP, 佢幫我又CHOK又啪, 真係整正番, 但我覺得佢診斷得未夠詳盡囉, 呢啲明顯既錯位可以啪番正, 但如果係肌肉拉歪骨架我估真係要搵類似推拿果啲, 其實如果我真係要整脊, 我估我都有排整…HAHA…
    咁你而家係咪仲要KEEP住整架?有冇話幾時畢得業呀?

    回覆刪除
  5. 係啦劉醫師係一次過整幾日,整完會覺得好舒服,但過一陣姿勢唔好又咩返,所以要多D練肌肉先得。。。
    孫鋒真係整得正你盤骨呀?佢係咪又係左側身訓拍一下右側身訓拍一下呀?你點覺得正返呢? 我當時真係唔覺得佢有針對我個問題又唔覺得有效喔。。。我都好想知佢係咪真係可以醫得到人 - -
    我最近太忙唔得閒整呀,D肌肉又再扯住好煩,唯有自己拉住筋先。。。。

    回覆刪除
  6. 劉醫師呃錢嫁。佢要攞假整,我五日之內就洗左萬幾蚊,第五日整完都仲覺得有d唔係好正。跟住過幾日又痛番,又去佢過度整,跟住佢就一次過又同我做番之前要用5日睇同做既治療。首先就係拖症,之後就自己整唔掂又話我自己身體唔好。呃左我成萬幾蚊!!!!

    回覆刪除
  7. 你好,我想睇下曾醫師,打去問佢話如果有朋友睇過可以免檢查費,你介唔介意比你個名我?我又係睇完沙田劉師父睇到無哂錢......
    E-mail:ccsing2000@yahoo.com.hk
    Thanks

    回覆刪除
    回覆
    1. 唔好意思咁遲覆你>< 你去左搵曾醫師未呀?我見佢個FACEBOOK LIKE左有得免費檢查,你可以試下得唔得先,唔得我再EMAIL我個名比你:)
      曾醫師的FACEBOOK叫全治護脊,張PROFILE有佢張大頭相XD

      刪除
  8. 我想問下點解會搵到曾醫師既..? 唔係話質疑佢但係佢又唔係醫生又唔係脊醫.. 有啲唔放心去搵佢

    回覆刪除
    回覆
    1. 我係網上搵痛症、肌肉依D字眼時搵到嫁,我都唔知點解搵左10幾個鐵打、骨傷科、脊醫之後先搵到佢個網站。其實未試過真係好難會相信,我依家睇返自己寫的文章都覺得好誇張,但又的確我係真實地形容緊當時醫治時的感覺,可能真係要去試過先感受到,而當你真係走頭無路試左10幾20個都無好轉時,真係咩都會去試@@

      刪除